5.歡喜ê目屎
永福仔帶差不多半個月以後,空課也卡閑啊, 伊著
想講今卡無空課啊,阿添伯大概無欲倩伊啊.
因為按呢,有一早起,伊就想欲佮阿添伯in辭別,閣
去別位揣看有空課通做無.
阿添伯佮阿添姆兩老ê真好意一直咬伊留.
其實永福仔真愛閣帶落去,心內咧肚臍想講若會當
帶chia帶卡久,猶是永遠帶佇chia毋真好.
毋過閣想倒轉來伊欲哪有hit種資格呢?
原因有兩項,第一我是一箍人,是一個無依無倚ê孤
兒,欲哪有人緣呢? 第二, chiah散赤,人欲哪看人會
起.
身軀斷半sián(身軀無半sián),散佮鬼欲拖去,講卡
見笑咧, 連衫褲通換著無.
佇甘蔗園做工,常常褪剝裼,內衫才褪起來溪仔底
洗洗咧,披帶石頭尾曝予焦,夠欲轉去才閣收來穿.
2009年6月1日月曜日
2009年4月26日日曜日
1. Kham-khiat8 e5 lou7 (Maryknoll 1997)
伊的正名叫做李永福,不拘因為伊腳長手長,雖然是六歲,看著若准七八歲咧,所以大家著叫伊"長腳的".
進財嫂暝日目屎流,目屎滴,啼啼哭哭,初一,十五常常點香跪住埕尾開聲哭,聲聲句句"我心肝,我夫仔喂,你今仔日放心做你去,放我及長腳仔子要怎樣?"
哭夠鼻流爛滴,予厝邊的人替伊真傷心.住的是一間海邊寮仔,雨來chhop8-chhop8滴,風來破壁sng3-sng3哭,寒gih-gih.
蓋的是一領被若親像鹿肉哺,蓋頭腳吐,蓋腳頭吐,蓋腹肚是雙頭吐.被單破kou5-kou5也無可補想來就是苦.厝邊彼些婆仔,嬸仔,較軟心的人若聽伊在吼飯啼哭,真濟人住邊仔暗中替伊流目屎,想講這個少年人看要按怎牽子守一世人著好.
經過年外,蘭香伊n內公攏無轉來,厝邊的人著苦勸進財嫂復嫁.起頭進財嫂真惜本份,想講咱是散赤人,不識半字,復養飼一個子,今長腳的也八歲啊,人太會要愛咱呢?
所以真守本份,逐日及子出去拾番薯度過日.若較內角的庄頭在卡甘蔗的時,著取子去ka7人刪蔗根,剝蔗葉,趁一寡錢轉來買鹹魚仔,擔一寡蔗葉轉來做柴焚,按呢罔反罔過日.
抵長腳仔子八歲彼年的年尾,隔壁庄有一個人叫做新發仔,伊是佇製鹽公司在做工,是曝鹽的工人,某已經過身啊,放兩個子.
人著來ka7進財嫂報親成.大家看伊猶才少年,著攏真ka7伊贊成.
進財兄過身後,田園無半sut,看要守夠何時長腳仔才會大漢.
新發兄著也欠腳手.七講八講,彼年冬節暝大家著成親.
經過無若久,代誌著來啊,代先是對gin2仔開始.
長腳的及後叔的子算起來是接面兄妹,兩人著常常冤家.
新發兄猶有一個老母,今年才六十統歲,猶會出去sa柴lak8草,講話聲復響,復厲害.
佇伊n製鹽公司的工寮,亦是工人的宿舍,不輸是一隻火雞母咧,真雜囃,人若要牽紅姨,伊會替人設法.
問佛燒香的時,人若poah8-poe poah8無,攏是伊在替人許神託佛.
平時真刻薄,粿算個,肉算塊.
另外用一腳菜籃,佇年節,有粿粽,雞,鴨,豬肉,攏拿去囥住彼內面,收去伊的房間吊起來.
若不是伊n查某子轉來過節,是無人食會著.
夠此長腳的伊n母a2子知死啦, 拍,罵有;食,穿無.
古早人講:"食人目屎流飯,三頓眼碗眼箸".
母a2子若取出去做工,常常佇園頭園尾對看流目屎.
進財嫂暝日目屎流,目屎滴,啼啼哭哭,初一,十五常常點香跪住埕尾開聲哭,聲聲句句"我心肝,我夫仔喂,你今仔日放心做你去,放我及長腳仔子要怎樣?"
哭夠鼻流爛滴,予厝邊的人替伊真傷心.住的是一間海邊寮仔,雨來chhop8-chhop8滴,風來破壁sng3-sng3哭,寒gih-gih.
蓋的是一領被若親像鹿肉哺,蓋頭腳吐,蓋腳頭吐,蓋腹肚是雙頭吐.被單破kou5-kou5也無可補想來就是苦.厝邊彼些婆仔,嬸仔,較軟心的人若聽伊在吼飯啼哭,真濟人住邊仔暗中替伊流目屎,想講這個少年人看要按怎牽子守一世人著好.
經過年外,蘭香伊n內公攏無轉來,厝邊的人著苦勸進財嫂復嫁.起頭進財嫂真惜本份,想講咱是散赤人,不識半字,復養飼一個子,今長腳的也八歲啊,人太會要愛咱呢?
所以真守本份,逐日及子出去拾番薯度過日.若較內角的庄頭在卡甘蔗的時,著取子去ka7人刪蔗根,剝蔗葉,趁一寡錢轉來買鹹魚仔,擔一寡蔗葉轉來做柴焚,按呢罔反罔過日.
抵長腳仔子八歲彼年的年尾,隔壁庄有一個人叫做新發仔,伊是佇製鹽公司在做工,是曝鹽的工人,某已經過身啊,放兩個子.
人著來ka7進財嫂報親成.大家看伊猶才少年,著攏真ka7伊贊成.
進財兄過身後,田園無半sut,看要守夠何時長腳仔才會大漢.
新發兄著也欠腳手.七講八講,彼年冬節暝大家著成親.
經過無若久,代誌著來啊,代先是對gin2仔開始.
長腳的及後叔的子算起來是接面兄妹,兩人著常常冤家.
新發兄猶有一個老母,今年才六十統歲,猶會出去sa柴lak8草,講話聲復響,復厲害.
佇伊n製鹽公司的工寮,亦是工人的宿舍,不輸是一隻火雞母咧,真雜囃,人若要牽紅姨,伊會替人設法.
問佛燒香的時,人若poah8-poe poah8無,攏是伊在替人許神託佛.
平時真刻薄,粿算個,肉算塊.
另外用一腳菜籃,佇年節,有粿粽,雞,鴨,豬肉,攏拿去囥住彼內面,收去伊的房間吊起來.
若不是伊n查某子轉來過節,是無人食會著.
夠此長腳的伊n母a2子知死啦, 拍,罵有;食,穿無.
古早人講:"食人目屎流飯,三頓眼碗眼箸".
母a2子若取出去做工,常常佇園頭園尾對看流目屎.
登録:
投稿 (Atom)